Vijojnë sulmet në Ukrainë, një viktime dhe 7 të plagosur gjatë natës në Kiev 29/11 08:37
Joaquin Guzman Lopez, djali i bosit të drogës meksikan të burgosur “El Chapo”, planifikon të deklarohet fajtor në një gjykatë amerikane, sipas dokumenteve të gjykatës të zbuluara të premten.
Vëllai i tij, Ovidio Guzman, u deklarua fajtor në korrik për konspiracion për të kryer trafik droge dhe dy akuza për pjesëmarrje në aktivitetet e një organizate kriminale. Ai gjithashtu rrëfeu se ai dhe tre vëllezërit e tij, të njohur si “Los Chapitos”, kishin marrë përsipër aktivitetet e babait të tyre, Joaquin “El Chapo” Guzman, i cili po vuan një dënim me burgim të përjetshëm në një burg të Kolorados, në kartelin famëkeq Sinaloa.
Në korrik 2024, Joaquín Guzmán López u deklarua i pafajshëm për akuzat për trafik droge, pastrim parash dhe posedim armësh. Megjithatë, sipas dokumenteve të gjykatës të zbuluara të premten, ai synon të ndryshojë deklaratën e tij në gjykatën federale në Çikago.
Joaquín Guzmán López u arrestua në korrik 2024, sapo mbërriti në Teksas me një avion privat, i shoqëruar nga bashkëthemeluesi i Sinaloa Cartel, Ismael “El Mayo” Zambada.
Zambada pretendoi se ishte mashtruar në lidhje me destinacionin e tij dhe në thelb ishte rrëmbyer nga Guzmán López, i cili e çoi kundër vullnetit të tij në Shtetet e Bashkuara. Pas kësaj pasuan përleshje të ashpra midis dy fraksioneve të kartelit të fuqishëm, atij që i betohet besnikëri vëllezërve Guzmán dhe atij të mbështetësve të Zambadës, me një numër prej afërsisht 1,200 të vdekur dhe 1,400 të zhdukur.
Uashingtoni akuzon kartelin famëkeq Sinaloa për trafikimin e fentanilit në SHBA, ku opioidi sintetik ka qenë përgjegjës për dhjetëra mijëra vdekje në vitet e fundit.
Top Channel
