Valë masive emigrantësh në Peru nga pas fitores së pritshme të ekstremit të djathë në Kili, qeveria shpall gjendjen e jashtëzakonshme dhe blindon kufirin 29/11 09:25
Presidenti i SHBA-së, Donald Trump, tha të premten, përpara zgjedhjeve presidenciale të Hondurasit të dielën, se do ta falte ish-Presidentin Juan Orlando Hernandez, i cili po vuan një dënim të gjatë me burg në Shtetet e Bashkuara për trafik droge.
Trump tha gjithashtu se SHBA-të do ta ndihmonin vendin nëse kandidati i krahut të djathtë, Nasri “Tito” Asfura, fiton zgjedhjet presidenciale të nesërme. Asfura është kandidati i Partisë Kombëtare të ish-Presidentit Hernandez.
“Nëse ai nuk fiton, Shtetet e Bashkuara nuk do të vazhdojnë të hedhin para të mira në kosh sepse një Udhëheqës i keq mund të sjellë vetëm rezultate katastrofike në një vend”, shkroi ai në Truth Social.
Asfura, një ish-kryetar bashkie i kryeqytetit, Tegucigalpa, është midis tre kandidatëve kryesorë. Partia e majtë në pushtet, Libre, po nominon ish-Ministrin e Financave dhe Mbrojtjes, Rixi Moncada, ndërsa Salvador Nasralla është kandidati i Partisë Liberale.
“Unë dhe Tito mund të punojmë së bashku për të luftuar narkokomunistët dhe për t’i sjellë popullit të Hondurasit ndihmën e shumëpritur. Unë nuk mund të punoj me Moncadën dhe komunistët dhe Nasralla nuk është një partner i besueshëm për Lirinë dhe nuk mund t’i besoj atij”, shkroi presidenti Trump.
Ai shtoi se Hernandez, i cili shërbeu si president nga viti 2014 deri në vitin 2022 para se të ekstradohej, u trajtua “ashpër” dhe “padrejtësisht” dhe do të marrë një falje të plotë.
Hernandez u dënua në Shtetet e Bashkuara me 45 vjet burg për ndihmën në shndërrimin e Hondurasit në një “narko-shtet”, sipas prokurorëve amerikanë, të cilët thanë se ai e përdori presidencën e tij për të lehtësuar lëvizjen e kontrabandistëve të sasive të mëdha të kokainës në Shtetet e Bashkuara.
Top Channel
