Zelensky reagon pas përfundimit të negociatave në Gjenevë: Çështjet e ndjeshme do i diskutoj me presidentin Trump, dokumenti final… 24/11 22:57
Gazetari Milaim Zeka ka rrëfyer një histori personale në marrëdhënie me shtetin grek.
Në ‘Top Story’ ai ka treguar rastin kur u fut në shtetin fqinj për të xhiruar një dokumentar dhe gjatë një darke me kryetarin e bashkisë së Follorinës, ky i fundit ishte ngritur dhe kishte mbajtur një fjalim racist për popullin shqiptar.
Zeka kujton se në atë moment ishte ngritur të bënte një dolli dhe i kishte treguar se ai vet ishte shqiptar dhe në atë moment, sipas tij darka ishte prishur.
“Unë e njoh shumë mirë Greqinë. Serbët janë 100 vjet para grekëve me nacionalizmin e tyre që e kanë më shumë modern. Nuk na kanë trajtuar siç i kanë trajtuar çamët. Kur ikën shqiptarët e Shqipërisë në Greqi në 1991 unë po bëja një dokumentar dhe filmova në Greqi. Kryetari i bashkisë na shtroi një dark dhe u ngrit dhe bëri një fjalim shumë racist për shqiptarët. Unë mora gotën e rakisë dhe bëra një dolli dhe i thash jam shqiptar. Aty u prish darka”, u shpreh Zeka.
Më tej ai rrëfen një histori tjetër, kur gjatë kalimi në doganë një polic grek i kishte grisur pasaportën suedeze vetëm sepse i kishte thënë se vinte nga Maqedonia.
“Vetëm pse i thash para 5 vitesh një polici grek, vij nga Maqedonia, ma ka shqyer faqen e pasaportës suedeze”, përfundoi Zeka.
Top Channel
