Sulmuesi senegalez, Nicolas Jackson, po tregon vendosmërinë e tij për të pasur sukses te Bayern Munich, pavarësisht spekulimeve se mund të rikthehet te Chelsea në verë.
Jackson u transferua me një marrëveshje huazimi prej 14.2 milionë paundësh, një nga më të mëdhatë për një sezon, dhe deri tani ka shënuar tre gola në 12 ndeshje për bavarezët.
Sipas burimeve pranë lojtarit, Jackson ndihet shumë i lumtur në Mynih dhe është i përqendruar të ndihmojë klubin të fitojë trofe këtë sezon. Ai ka krijuar një lidhje të shkëlqyer me Luis Diaz, i cili gjithashtu u bashkua me Bayern nga Liverpool, dhe ka përshtatur shpejt jetën dhe kulturën gjermane, duke marrë edhe mësime gjermane.
Trajneri Vincent Kompany ka qenë i përfshirë personalisht në transferimin e tij dhe ka krijuar një marrëdhënie respekti me lojtarin. Për momentin, nuk ka vendim për të ardhmen afatgjatë të Jackson, dhe nuk pritet largimi i tij gjatë janarit.
Chelsea, nga ana tjetër, shpreson që performancat e Jackson te Bayern ta bindin klubin bavarez të aktivizojë klauzolën e blerjes për 56.2 milionë paund, pas pagesës fillestare prej 32 milionë paundësh për transferimin nga Villarreal në 2023. Gjatë dy viteve të tij në Stamford Bridge, Jackson arriti 30 gola dhe 12 asistime në 81 ndeshje.
Top Channel
