Pa nisur zgjedhjet fillojnë akuzat, VV: PDK solli në Kosovë “trenin bullgar”
08/11 14:42
Të dielën 1.3 milionë qytetarë të Kosovës do tu drejtohen qendrave të votimit për raundin e dytë të zgjedhjes së kryetarëve në 18 komunat ku asnjëri prej kandidatëve nuk mori mbi 50% të votave më 12 tetor.
Të shtunën, Komisioni Qendror i Zgjedhjeve ka shpërndarë materialin zgjedhor.
“Gjatë ditës së shtunë, KQZ ka shpërndarë materialin zgjedhor përfshirë fletvotimet në 18 komuna në të cilat do të votohet më 9 nëntor. Ky material në orët e hershme të ditës së diel do të dërgohet në qendrat e votimit“-u shpreh Valmir Elezi, zëdhënës i KQZ.
Në raundin e dytë të zgjedhjeve të drejtë vote kanë edhe diaspora, votimi për të cilët është zhvilluar me postë dhe përfundon gjatë ditës së 8 nëntorit. Për votim nga jashtë janë të regjistruar mbi 29 mijë shtetas të Kosovës që jetojnë jashtë vendit.
Në 18 komunat ku votohet më 9 nëntor, qytetarët do të kenë vetëm një fletë të votimit me emrat e dy kandidatëve të mbetur në garë e që morën më shumë vota në raundin e parë. Në këtë rreth të votimeve do të zgjedhjet edhe kryetari i kryeqytetit, Prishtinës. Në garë janë kryetari aktual, Përparim Rama nga Lidhja Demokratike e Kosovës dhe ministri në detyrë i Kulturës, Hajrulla Çeku i Lëvizjes Vetëvendosje. Qytetarët gjatë së cilës do të votojnë për të zgjedhur kryetarët edhe në Mitrovicë të Jugut, ku gara konsiderohet shumë e fortë mes ministrit në detyrë të Bujqësisë, Faton Pecit nga Lëvizja Vetëvendosje dhe Arian Tahirit të Partisë Demokratike të Kosovës.
Më 9 nëntor votohet për kryetarë edhe në qytetet e tjera të mëdha të Kosovës si Pejë, Prizren, Gjakovë e Gjilan.Në balotazh me votat e diasporës shkoi edhe komuna e banuar me shumicë turke, Mamusha dhe ajo e banuar me shumicë serbe, Kllokoti.
Në këtë komunë, kandidati Sreçko Spasiq i partisë Srpska Nardodna Slloga u tërhoq nga gara për të ju bashkuar Listës Serbe që ishte në balotazh për të dielën.Komisioni Qendror i Zgjedhjeve thotë se ka kryer përgatitjet e nevojshme dhe procesi i numërimit do të jetë më i shpejtë.
“Në këtë raund procesi i numërimit të flëtvotimeve është më pak i ndërlikuar për shkak se në çdo fletvotim janë vetëm vetëm nga dy kandidat dhe kjo reflektone edhe në apektin kohor”.
Ky raund i dytë votimi për zgjedhjet lokale, pritet të definojë edhe fatin e nivelit qëndror, pasi Kosova nuk ka një qeveri të re që prej zgjedhjeve të nëntë shkurtit të këtij viti dhe është rrugës për zgjedhje parlamentare në muajin dhjetor.
Top Channel
