Barcelona merr goditjen e rëndë, dëmtohet Lamine Yamal, ende nuk dihet koha e rikuperimit 31/10 19:35
Real Madrid është gjithnjë e më i sigurt për transferimin e mbrojtësit anglez Marc Guehi gjatë verës së ardhshme, pa paguar asnjë tarifë kalimi.
Kapiteni i Crystal Palace, 25-vjeçari Guehi, është drejt fundit të kontratës së tij dhe nuk ka pranuar ofertën për rinovim me klubin londinez. Ai pritet të largohet si lojtar i lirë në fund të sezonit, me “Los Blancos” që e shohin si një përforcim të rëndësishëm për prapavijën.
Burime pranë klubit spanjoll bëjnë të ditur se mbrojtësi preferon një kalim në Madrid, ku do të bashkohej me bashkëkombasit e tij Jude Bellingham dhe Trent Alexander-Arnold, pas përfundimit të Kupës së Botës.
Edhe pse Liverpool, Bayern Munich dhe Barcelona janë të interesuar për shërbimet e tij, Guehi nuk dëshiron të ndërrojë skuadër në mes të sezonit. Ai do të jetë i lirë të nënshkruajë paraprakisht me çdo klub jashtë Anglisë duke filluar nga janari.
Drejtori sportiv i Bayern Munich, Max Eberl, ka konfirmuar se gjigantët gjermanë “po eksplorojnë tregun” për një qendërmbrojtës, ndërsa trajneri i Crystal Palace, Oliver Glasner, ka bërë të ditur publikisht se lojtari do të largohet në fund të kontratës.
“Marc na ka njoftuar se nuk do të rinovojë dhe dëshiron të ndjekë një rrugë të re. Kjo është diçka normale, tani mbetet të gjejmë mënyrën më të mirë për ta menaxhuar situatën,” është shprehur Glasner.
Top Channel
