“Arritja historike” e Italisë, miratohet Reforma në Drejtësi e Melonit 30/10 22:32
Vlerësimi negativ i ish-presidentit, François Hollande është barazuar nga Emmanuel Macron, i cili tani ndan me paraardhësin e tij titullin e presidentit më pak të pëlqyer të Francës në gjysmë shekulli.
Sondazhi i Grupit Verian, i cili anketoi 1,000 persona dhe u botua në Le Figaro, tregon se vlerësimi për Macron është vetëm 11%.
Hollande arriti të njëjtën përqindje në fund të vitit 2016, pak para se të njoftonte se nuk do të kërkonte një mandat të dytë si president. Është përqindja më e ulët që nga fillimi i viteve 1970, kur filluan sondazhet mujore, raporton Politico.
Anketues të tjerë kanë arritur në përfundime të ngjashme në lidhje me rënien e Macron, veçanërisht pas vendimit jashtëzakonisht jopopullor të presidentit për të rritur moshën e daljes në pension dhe bllokimit politik disamujor pas zgjedhjeve europiane në maj 2024.
Një sondazh i Ipsos i publikuar në tetor i dha Macron një vlerësim miratimi prej 19%, nga një rekord i ulët prej 13% për Hollande që nga viti 2014. Përveç kësaj, një sondazh i publikuar nga Odoxa zbuloi se vetëm 20% e të anketuarve e konsiderojnë Macron një “president të mirë”.
Një ish-këshilltar i Macron i tha Politico, duke folur në mënyrë anonime, se “Macron është vazhdimisht i ‘ngecur’ me sondazhet, ai do të duhej të ishte i verbër ose i shurdhër për të mos e kuptuar se është jopopullor”. Ai thotë se presidenti “nuk i kupton mjaftueshëm pasojat që reformat që ai i konsideron të nevojshme mund të kenë në gjendjen e vendit”.
Nga ana tjetër, Macron nuk është i vetmi udhëheqës evropian që “zvarritet” në sondazhe: Keir Starmer në Britani është pak nën 20% dhe Friedrich Merz në Gjermani tani luhatet në 25%.
Top Channel
