Uragani Melissa mbërrin në Xhamajka, videoja e frikshme nga syri i stuhisë më të fortë të 2025 28/10 09:27
Një tërmet me magnitudë 6.1 ballë goditi sot zonën e Sındırgı në Balıkesir, duke u ndjerë fuqishëm në disa provinca të rajoneve të Marmarasë dhe Egjeut, përfshirë Stambollin, Izmirin, Bursën, Tekirdağun, Kocaelin dhe Sakaryan.
Sipas AFAD, tërmeti ndodhi në një thellësi prej 5.99 kilometrash.
Ministri i Brendshëm Ali Yerlikaya deklaroi se nuk janë raportuar viktima, ndërsa tre ndërtesa të papërdorura dhe një dyqan janë shembur. Dy persona kanë kërkuar ndihmë mjekësore.
Në disa zona të Sındırgı janë raportuar dëmtime të pjesshme në godina.
Për shkak të tërmetit, shkollat në Balıkesir janë mbyllur përkohësisht si masë paraprake.n
Ekipet e AFAD-it, bashkë me institucionet lokale, kanë filluar kërkimet dhe vlerësimet në terren.
Guvernatori i Balıkesir, İsmail Ustaoğlu, tha se të gjitha ekipet janë në gatishmëri dhe po punojnë për të siguruar mbështetje për qytetarët e prekur.
Ndërkohë, Guvernatori i Qarkut Sındırgı, Doğukan Koyuncu, njoftoi se nuk ka raportime për viktima në fshatra, por puna në terren vazhdon.
Tre ndërtesat e shembura përfshijnë dy godina katërkatëshe në Rrugën Akhisar, të cilat ishin evakuuar dhe vulosur më parë për shkak të dëmtimeve nga një tërmet i mëparshëm më 10 gusht, si dhe një ndërtesë dykatëshe në Sheshin Cumhuriyet, ku ndodheshin tre dyqane në katin përdhes.
Top Channel
