Video/ Emigranti i dënuar për ngacmim seksual lirohet gabimisht nga burgu, arrestohet sërish pas pak ditësh 26/10 18:09
Kremlini tha se ishte gabim të flitej për anulimin e takimit midis Presidentit rus Vladimir Putin dhe Presidentit të SHBA-së Donald Trump, por shtoi se përgatitja për të ishte e nevojshme, raportoi televizioni shtetëror Vesti.
“Presidentët nuk mund të takohen për hir të takimit, ata nuk mund të humbasin kohën e tyre dhe janë të hapur për këtë. Kjo është arsyeja pse ata udhëzuan Lavrov dhe Rubio të përgatitnin këtë proces. Procesi është i ndërlikuar”, tha i Kremlinit, Dmitry Peskov.
Peskov komentoi gjithashtu sanksionet e vendosura nga SHBA-të ndaj gjigantëve rusë të naftës Lukoil dhe Rosneft, duke i quajtur ato një “hap armiqësor”, por tha se Rusia kërkon të ndërtojë marrëdhënie miqësore me të gjitha vendet, përfshirë SHBA-në.
“Pavarësisht dallimeve të ndryshme të shprehura nga presidenti i SHBA-së, ne duhet të vazhdojmë të orientohemi drejt interesave tona. Interesat tona janë të ndërtojmë marrëdhënie të mira me të gjitha vendet, përfshirë SHBA-në”, i tha Peskov Zarubin.
“Sigurisht, veprimet e ndërmarra këtë javë ishin një hap armiqësor. Ato dëmtuan vërtet perspektivat për rivendosjen e marrëdhënieve tona. Por kjo nuk do të thotë që ne duhet t’i braktisim ato. Ne duhet të bëjmë atë që është e mirë për ne”, tha Peskov.
Zëdhënësi i presidentit rus tha gjithashtu se Rusia do të ndjekë penalisht këdo që gjendet i përfshirë në një sekuestrim të mundshëm të aseteve të ngrira ruse.
Top Channel
