‘Gjysma e të keqes që është 18 vjeç’, vjen reagimi i babait të Yamal… 26/10 21:22
Carlos Alcaraz nuk është vetëm numri 1 në botë në tenis, por mesa duket edhe një “profet” i futbollit.
Para ndeshjes së madhe mes Real Madridit dhe Barcelonës në “Santiago Bernabeu”, tenisti spanjoll bëri një parashikim që sot po bën xhiron e rrjeteve sociale.
Alcaraz deklaroi disa orë para sfidës se “Reali do të fitojë 2-1, me golat e Mbappé dhe Bellingham, ndërsa për Barcelonën do të shënojë Lamine Yamal”. Dhe si për mrekulli, ndeshja përfundoi saktësisht me atë rezultat dhe me të njëjtët autorë golash!
Parashikimi i tij, i publikuar fillimisht në rrjetet sociale dhe më pas i raportuar nga mediat si El Debate dhe Eurosport, u kthye në temë virale menjëherë pas përfundimit të ndeshjes.
Fansat e futbollit kanë shpërthyer në reagime, me shumë prej tyre që shkruajnë me humor se “Alcaraz duhet të fillojë të japë edhe kuotat e bastoreve”, ndërsa të tjerë e quajnë “parashikimin më të saktë të vitit”.
Reali i Madridit fitoi 2-1 ndaj Barcelonës, me golat e Mbappé dhe Bellingham, duke ruajtur kreun e La Ligës — ndërsa Alcaraz mori një tjetër fitore, këtë herë jashtë fushës së tenisit.
Top Channel
