Lewis Hamilton është sportisti me vlerën më të lartë komerciale në botë për vitin 2025. Piloti britanik renditet në krye të klasifikimit vjetore të SportsPro, një pozicion që e fiton për herë të dytë pas atij në vitin 2014.
Hamilton, 7 herë kampion i botës në Formula 1 është sportisti i 4-t në histori që e kryeson këtë klasifikim të vecantë 2 herë duke iu bashkuar kështu Lionel Messit, Neymar dhe Simone Biles. Paraqitjet e Hamilton nuk po ndikojnë aspak përsa i përket vlerës komerciale teksa 40 vjecari ka lënë pas tij në vendin e dytë dhe të tretë Simone Biles dhe Ilona Maher. Pak më poshtë janë dy legjenda të tjera, basketbollisti i Golden State Ëarriors, Stephen Curry dhe ylli i futbollit botëror, Cristiano Ronaldo, që plotësuan pesëshen e pilotëve me vlerën më të lartë komerciale
Pa dyshim që efekti Ferrari ka ndikuar në imazhin e tij duke qenë se vëmendja e medias ndaj ti është rritur ndjeshëm këtë vit, më shumë se në cdo vit tjetër në karrierën e tij sportive. Dhe e gjithë kjo bie në kontrast me faktin se Hamilton është i pari pilot në historinë e Ferrarit që nga viti 1950 që nuk ngjitet asnjëherë në podium në 19 garat e tij të para me Kokëkuqen në Formula 1.
‘Renditja e 50 Sportistëve me Vlerën më të Lartë Komerciale është shndërruar në një barometër esencial për industrinë sportive, duke ofruar një imazh të paçmuar se si sportistët më të mirë në botë i konfigurojnë profilet e tyre komerciale dhe influencën e markës në cdo vit-tha Michael Long, Drejtori i Projekteve Kyc të SportsPro
Top Channel
