Liga e Konferencës ka mbyllur raundin e dytë të fazës së ligës, ku përveç fitores së Shkëndijës dhe barazimit të Dritës, spikatën dhe shumë rezultate të tjera interesante.
AEK-u i Thomas Strakoshës triumfoi me rezultatin e thellë 6-0 kundër Aberdeen, duke marrë kështu tre pikët e para në këtë kompeticion, ndërkohë që gardiani i Kombëtares shqiptare e mbajti portën të paprekur.
Etrit Berisha dhe Ivan Balliu u vunë përballë njëri-tjetrit, aty ku Hacken priti Rayo Vallecanon. Ekipi suedez ishte shumë pranë fitores, por një penallti në minutën e fundit të sfidës ndau skuadrat me nga një pikë.
Gjithashtu spikati me gol edhe sulmuesi shqiptar i Gjermanisë, Nelson Weiper, i cili shënoi në minutën e 24’ kundër Zrinjskit dhe i dha tre pikët e radhës Mainzit.
Në sfidat e tjera, Fiorentina mundi 0-3 Rapidin, Crystal Palace u mposht 0-1 nga AEK Larnaca, ndërsa takimi mes Rijekës dhe Sparta Prague u ndërpre dy herë për shkak të motit të keq.
Rezultatet:
Top Channel
