Lojërat Olimpike Dimërore të Milano Cortina po afrojnë dhe një vëmendje të madhe ka marrë 18 vjecarja Lara Colturi. Skiatorja e talentuar, vajza e kampiones Olimpike Daniela Ceccarelli, ka zgjedhur të garojë për Shqipërinë dhe sic e pohon ajo vetë, po e shijon momentin.
‘Pjesëmarrja në Lojërat Olimpike është një ëndërr më vete, por nuk do të më bëjë të ndihem e çuditshme që të garoj për Shqipërinë-tha Colturi në një lidhje telefonike me agjencinë italiane të lajmeve ANSA-jemi këtu prej 3 vitesh, që nga hyrja në FIS; na mbështesin, promovojnë skitë në një vend që ka shumë pak histori me sported dimërore. Kjo më pëlqen, është si të vijoj rrugëtimin tim bashkë me prindërit që më kanë ndjekur gjithnjë. A do të kthehem të garoj për Italinë në të ardhmen? Jetoj të tashmen…’
Ndërkaq starton edhe sezoni i ri në Skitë Alpine me garën e parë që do të jetë ne Soelden dhe Coluri thekson se ky nuk është momenti për të menduar për Lojërat Olimpike
‘Nuk mendoj akoma për Lojërat Olimpike-shtoi skiatorja 18 vjecare, sportisja më e re që është ngjitur në podium në Kupën e Botës në slalomin gjigand-e them në kuptimin se ka shumë gara, duhen edhe disa muaj. Jetoj me stërvitjen e radhës, punoj për garën e ardhshme. Nuk kam garuar kurrë dhe as jam stërvitur ndonjëherë në Cortina. Kam shkuar atje për të skiuar me miket e mia sezonin e kaluar dhe pista më pëlqeu shumë. Duhet të vazhdoj të argëtohem; të mendoj për rezultatet nuk më ndihmon, vetëm do të më shtonte presionin’
Top Channel
