Atentati ndaj gazetarit Sigfrido Ranucci, ‘La Repubblica’ flet për një pistë shqiptare: Policia po heton sipërmarrësin nga Vlora që jeton në SHBA 21/10 12:22
Komuniteti ndërkombëtar i shahut është tronditur nga lajmi i vdekjes së mjeshtrit të madh amerikan Daniel Naroditsky, i cili ndërroi jetë në mënyrë të papritur në moshën 29-vjeçare, vetëm dy javë para ditëlindjes së tij të 30-të.
Lajmi u konfirmua nga Qendra e Shahut në Charlotte, ku Naroditsky ishte trajner dhe anëtar aktiv. Shkaku i vdekjes nuk është bërë publik.
Në një deklaratë zyrtare, klubi i tij shprehu “hidhërim të thellë” për humbjen e një figure që “inspironte lojtarë në mbarë botën”.
“Daniel ishte një shahist i talentuar, komentator dhe edukator, i admiruar nga tifozët dhe lojtarët në çdo cep të globit”, thuhet në njoftim.
Ndër figurat që shprehën ngushëllime ishte edhe mjeshtri i madh Hikaru Nakamura, aktualisht amerikani numër dy në botë, i cili shkroi në rrjetet sociale:
“Jam i shkatërruar. Kjo është një humbje e madhe për botën e shahut.”
I lindur në SHBA, Daniel Naroditsky nisi të luante shah në moshën gjashtëvjeçare, pasi u njoh me lojën përmes vëllait të tij më të madh, Alan.
Në moshën 12 vjeç, ai fitoi Kampionatin Botëror për të Rinj nën 12 vjeç në Antalia të Turqisë, duke u konsideruar një talent i rrallë.
Vetëm dy vjet më vonë, në 2010, botoi librin “Zotërimi i Shahut Pozicional”, një tekst i vlerësuar për analizat e tij të thella dhe aftësitë strategjike.
Në vitin 2013, ai fitoi Kampionatin Amerikan për të Rinj, çka e ndihmoi të merrte titullin “Mjeshtër i Madh Ndërkombëtar” (Grandmaster) nga Federata Botërore e Shahut (FIDE).
Kanali i tij në YouTube arriti rreth 500 mijë abonentë, ndërsa transmetimet e tij në Twitch ndiqeshin nga mbi 340 mijë përdorues.
Top Channel
