Pas akuzave për shkelje armëpushimi, Izraeli sulmon nga ajri jugun e Gazës 19/10 13:09
Princi Andrew është rikthyer në qendër të polemikave, ndërsa skandali seksual i lidhur me Jeffrey Epstein vazhdon të hedhë hije të rënda mbi familjen mbretërore britanike.
Në panik dhe përballë një stuhie të re mediatike, Andrew anuloi në minutën e fundit një festë luksoze për ditëlindjen e 66-të të ish-bashkëshortes së tij, Sarah Ferguson, e parashikuar të mbahej të mërkurën e kaluar në rezidencën e tyre në Windsor.
Burime pranë pallatit raportojnë se vendimi për të shtyrë festën erdhi ndërsa Princi Andrew përballej me thirrje të shtuara për të hequr dorë nga titujt mbretërorë, përfshirë atë të Dukës së Jorkut dhe rolin e tij si anëtar i Urdhrit të Garterit, një nga nderimet më të larta të kurorës britanike.
Presioni ndaj Andrew-t ka arritur një pikë kritike. Vëllai i të ndjerës Virginia Giuffre – e cila akuzoi Princin për abuzim seksual në moshën 17-vjeçare – ka kërkuar publikisht nga Mbreti Charles III që të shkojë edhe më tej dhe ta heqë titullin “princ”.
“Do t’i bënim thirrje Mbretit që potencialisht të vazhdojë dhe ta eliminojë Princin… në lumin Andrew,” – u shpreh ai për BBC Newsnight, në një deklaratë të fortë dhe simbolike.
Autorja mbretërore Ingrid Seward, komentoi me ashpërsi: “Njerëzit janë të tërbuar. Ai mund të mos jetë më Duka i Jorkut, por ende jeton si princ – në një rezidencë me 30 dhoma në Windsor Park. Si është e mundur?”.
Ajo shtoi se Mbreti duhet të ndërhyjë seriozisht: “Ka ardhur koha që Mbreti t’i thotë: ‘Më vjen keq, merr çfarë ke investuar në Royal Lodge dhe fillo një jetë të re diku tjetër.’”
Andreë thuhet se ka paguar 12 milionë paund për të zgjidhur çështjen ligjore të ngritur nga Virginia Giuffre në vitin 2022. Megjithatë, në deklaratën e fundit ku njoftoi heqjen e titullit, ai tha: “I mohoj fuqimisht akuzat kundër meje.”
Sipas burimeve të The Sunday Times, Princi William dëshiron që Andrew të përjashtohet plotësisht nga jeta publike dhe ceremoni mbretërore – përfshirë edhe kurorëzimin e ardhshëm si mbret. Ai e sheh xhaxhain e tij si një kërcënim për monarkinë dhe një figurë që mund të dërgojë mesazhe të gabuara për viktimat e abuzimit.
Gjithashtu, pritet që edhe Sarah Ferguson të mos lejohet më të marrë pjesë në ngjarje zyrtare.
Top Channel
