Java e 7-të e Kategorisë së Parë ka sjellë fitore të rëndësishme dhe ndryshime në klasifikim.
Skënderbeu ka triumfuar minimalisht 1-0 në transfertë ndaj Luftëtarit, duke e çuar në 19 pikë dhe duke e shkëputur qartë në krye të renditjes. Korçarët janë të pathyeshëm pas 7 ndeshjesh me një golavarazh mbresëlënës 12:1.
Në ndjekje mbetet Laçi, që fitoi bindshëm 3-0 ndaj Kukësit, duke ruajtur vendin e dytë me 13 pikë. Në zonën e lartë qëndron edhe Iliria e Fushë-Krujës, që mori një barazim 1-1 në transfertë me Kastriotin, duke mbajtur vendin e tretë me 11 pikë.
Burreli ndalet në Fier me rezultatin 2-1 për Apoloninë, ndërsa Korabi mundi Lushnjën 2-0 dhe ngjitet në vendin e pestë. Në fund të tabelës situata mbetet e vështirë për Besa Kavajën, Kastriotin dhe Kukësin, që kanë vetëm nga 4 pikë pas 7 javësh.
Skënderbeu duket tashmë i destinuar për rikthimin në Superiore, ndërsa gara për vendin e dytë pritet të jetë e ashpër mes Laçit, Ilirisë dhe Burrelit.
Top Channel
