Kishin marrë një apartament me qira në Vollgë, procedohen për prostitucion dy shqiptarë dhe dy braziliane 29/01 08:32
Edhe pse kryedemokrati, Sali Berisha lajmëroi dje në Kuvend se PD ka vendosur mos t’i bashkohet protestës së UÇK-së, mes mijëra protestuesve nuk kanë munguar aleatët e kreut të opozitës.
Në një foto janë shfaqur, Agron Duka një ndër aleatët më të vjetër të Berishës si kryetari i Partisë Agrare Ambientaliste, Artan Luku deputet i PD-së, që vjen nga partia e Dukës, Fatmir Mediu kreu i Partisë Republikane dhe aleati më i afërm i Partisë Demokratike dhe Dashamir Tahiri ish-deputet i PDIU.
Pavarësisht se kryeopozitari lajmëroi dje vendimin e PD për mos të marrë pjesë në protestë, kur u pyet nga gazetarët Berisha sqaroi se nuk preken aleatët pasi është vendim politik i Partisë Demokratike.
“Vendimi për të mos marrë pjesë në protestë është një vendim politik i Partisë Demokratike. Ky është vendim politik i PD-së….”, u shpreh Berisha.
Top Channel
