Afrika ka mbyllur përfundimisht fazën kualifikuese të Botërorit, me 9 ekipe që janë konfirmuar zyrtarisht që do të marrin pjesë në Kupën e Botës 2026.
Dy emrat më të fundit janë Senegali dhe Bregu i Fildishtë.
Ekipi i Senegalit arriti një fitore bindëse 4-0 kundër Maritanias, duke siguruar kështu vendin e parë në Grupin B me 24 pikë, dy më shumë se Republika Demokratike e Kongos, e cila mundi Sudanin 1-0.
Bregu i Fildishtë nga ana tjetër, bëri detyrën përballë Kenias duke triumfuar 3-0 dhe duke konfirmuar vendin e parë në Grupin F me 26 pikë, një më shumë se Gaboni.
Kjo e fundit, së bashku me Republikën Demokratike të Kongos, Kamerunin dhe Nigerinë do të luajnë një fazë me njëra-tjetrën, për të përzgjedhur se cila do të shkojë në “Play Off”-in ndërkombëtar.
Nëntë ekipet afrikane që do të luajnë në Botëror janë: Egjipti, Senegali, Afrika e Jugut, Kepi i Gjelbër, Maroku, Bregu i Fildishtë, Algjeria, Tunizia dhe Gana.
Top Channel
