Tragjedi në Argjentinë/ Autobusi përplaset me një makinë dhe bie në lumë, 9 të vdekur dhe 29 të plagosur 26/10 22:55
Autoritetet ruse deklaruan këtë të hënë se kishin rrëzuar 251 dronë ukrainas gjatë natës, në atë që konsiderohet si një nga sulmet më të mëdha ajrore të këtij lloji që nga fillimi i luftës.
Sipas Ministrisë ruse të Mbrojtjes, sulmet ishin veçanërisht intensive në rajonin e Detit të Zi. Nga numri i përgjithshëm i dronëve, 40 u rrëzuan mbi gadishullin ukrainas të Krimesë, të cilin Rusia e ka aneksuar që nga viti 2014, 62 të tjerë mbi Detin e Zi dhe pesë mbi Detin Azov.
Ministria ruse e Mbrojtjes bëri publike vetëm numrin e dronëve të rrëzuar, pa dhënë informacione se sa u lëshuan në total apo nëse ndonjëri arriti të godasë objektivat e tij.
Ndërkohë, guvernatori i rajonit të Belgorodit, Vyacheslav Gladkov, njoftoi përmes Telegram se sulmet ukrainase kanë shkaktuar dëme serioze në infrastrukturën elektrike, duke lënë pa energji elektrike mijëra konsumatorë.
Sipas tij, rreth 5,400 banorë në 24 komuna janë ende pa energji, ndërsa inxhinierët dhe ekipet e emergjencës kanë rikthyer furnizimin me energji për pothuajse 34,000 konsumatorë të tjerë.
Top Channel
