Anija humanitare për Gazën, Izraeli nis deportimin e aktivistëve francezë, italianë e grekë 05/10 22:22
Sekretari i SHBA-së, Marco Rubio, deklaroi këtë të diel se bombardimet duhet të ndalen për të lehtësuar lirimin e pengjeve në Gaza.
“Nuk mund të lirosh pengje ndërsa ende ka bombardime… kjo duhet të ndalet, por gjithashtu duhet të punosh me logjistikën tjetër”, tha ai.
“Ne duam t’i nxjerrim pengjet sa më shpejt të jetë e mundur”- u shpreh Rubio.
Një plan me 20 pika parashikon ndërprerjen e menjëhershme të luftimeve dhe lirimin e 48 pengjeve, vetëm 20 prej të cilëve besohet se janë ende gjallë, në këmbim të lirimit të qindra palestinezëve të ndaluar nga Izraeli.
Kryeministri izraelit Benjamin Netanyahu, në një fjalim televiziv të shtunën, u shpreh se shpreson të njoftojë lirimin e pengjeve në ditët në vijim.
Zëdhënësi i tij, Bedrosian, deklaroi se kryeministri e ka bërë të qartë se, në një marrëveshje me administratën Trump, bisedimet do të kufizohen në maksimum në disa ditë.
Të hënën, Netanyahu urdhëroi largimin e delegacionit izraelit nga bisedimet, duke sinjalizuar një qëndrim më të ashpër në fazën vendimtare të negociatave.
Ndërkohë, një delegacion i Hamasit, i kryesuar nga kryenegociatori Khalil al-Hayya, objektiv i një atentati izraelit në Doha muajin e kaluar, pritej të mbërrinte në Kajro këtë të diel.
Në negociata do të marrin pjesë edhe i dërguari special i SHBA-së, Steve Witkoff, dhëndri i Trump, Jared Kushner, dhe ministri i Jashtëm i Katarit, Sheikh Mohammed bin Abdulrahman Al Thani.
Këto bisedime konsiderohen ndër më të rëndësishmet që nga fillimi i luftës dhe mund të jenë vendimtare për një rrugë drejt përfundimit të konfliktit.
Shumë palestinezë e përshkruan reagimin e Hamasit ndaj planit të paqes si të papritur, pas ditësh me sinjale se grupi do ta refuzonte ose do të vendoste kushte të forta.
Në vend të kësaj, Hamasi shmangu përfshirjen e vijave të kuqe në deklaratën e tij zyrtare, veprim që u interpretua si shenjë e presionit të jashtëm.
Një zyrtar i lartë palestinez,tha për BBC-në se ndërmjetësuesit nga Katari, Egjipti dhe Turqia kishin luajtur një rol kyç në bindjen e Hamasit për të zbutur kundërshtimet dhe për të lënë jashtë tryezës së negociatave çështje të ndjeshme si fati i armëve të grupit, qeverisja e Gazës pas luftës dhe kërkesat tjera të ndërlikuara.
Sidoqoftë, shumë banorë të Gazës paralajmërojnë se ky fleksibilitet taktik mbart rreziqe serioze. Çdo ditë vonesë nënkupton më shumë vdekje, shkatërrim dhe zhvendosje për qindra mijëra palestinezë.
Top Channel
