Jo çdo njeri që kritikon është i mençur, çfarë thotë studimi i fundit? 04/10 09:42
Keith Urban u fotografua pa unazën e martesës në një paraqitje të fundit publike, vetëm disa ditë pasi u njoftua se ai ishte ndarë nga Nicole Kidman pas 19 vitesh martesë.
Këngëtari u pa të enjten, më 2 tetor, në Hershey të Pensilvanisë teksa mbërriti me avion privat dhe u drejtua për në Qendrën Giant, ku kishte planifikuar një paraqitje si pjesë e turneut të tij, duke treguar se mbetet i përqendruar në angazhimet e tij profesionale pavarësisht zhvillimeve në jetën e tij personale.
Në fotot e publikuara nga TMZ, ai duket duke zbritur nga avioni i veshur me një kapelë të zezë dhe syze dielli, ndërsa mbante një çantë. E vetmja gjë që nuk kaloi pa u vënë re ishte gishti i tij, të cilit i mungonte unaza e martesës.
😳 Keith Urban ditches his wedding ring in his first sighting since divorce bombshell… https://t.co/68kA1Q4Rng pic.twitter.com/4kP1JRwWPs
— TMZ (@TMZ) October 2, 2025
Nicole Kidman dhe Keith Urban kanë vendosur t’i japin fund martesës së tyre pas 19 vitesh, me çiftin që jetonin të ndarë që nga qershori i kaluar. Aktorja paraqiti kërkesë për divorc të martën, më 30 shtator, duke përmendur dallime të papajtueshme dhe duke kërkuar kujdestarinë e vetme të dy vajzave të tyre, Sunday Rose, 17 vjeç, dhe Faith Margaret, 14 vjeç. Po atë ditë, në Nashville qarkulluan thashetheme se Urban kishte lidhje me një grua tjetër, gjë të cilën, sipas burimeve, Kidman nuk e kundërshton.
Diskutimi rreth jetës së re personale të këngëtarit u rigjallërua nga dedikimi që ai i bëri kitaristes së tij, Maggie Baugh, gjatë koncertit të tij në Las Vegas. Më 1 prill, Urban performoi këngën e tij të vitit 2016 “The Fighter”, të cilën e shkroi i frymëzuar nga marrëdhënia e tij me Kidman, në skenë në Mandalay Bay.
Në një video të publikuar nga TMZ, ai shfaqet duke kënduar vargun “I was born to love you”, dhe Baugh mori mikrofonin dhe këndoi me të. Të dy ndanë një përqafim në skenë, duke marrë brohoritje nga publiku.
Edhe pse fillimisht klipi mori pak vëmendje, ai është rikthyer në qendër të vëmendjes pasi Urban ndryshoi tekstin në performancën e tij më të fundit. Në një video të ngarkuar nga vetë kitaristja në Instagram, artisti dëgjohet duke kënduar tekstin e ndryshuar.
Urban kishte deklaruar në vitin 2017 se e shkroi këngën “The Fighter” në një kohë të shkurtër, i frymëzuar nga Kidman dhe fillimi i jetës së tyre së bashku. Megjithatë, sot, ndërveprimet e tij me Baugh në skenë, të kombinuara me ndarjen e tij të fundit, po nxisin thashethemet për një marrëdhënie të re.
Top Channel
