“Një popull në lëvizje”, ekspozita fotografike që dokumenton varfërinë e Shqipërisë në vitin 1994 04/10 18:19
Flautistja Jonela Golemi dhe violinistja Laura Llozi emocionuan publikun në skenën e Universitetit të Arteve me koncertin për flaut dhe violinë nga kompozitori çek Bohuslav Martinů, një premierë absolute në vendin tonë.
Është një koncert për flaut dhe violinë i kompozitorit çek, është një pjesë moderne”, shprehet Jonela Golemi, flautiste
Ky koncert ishte edhe më i veçantë për Golemin, që ndau skenën me mbesën e saj.
“Vajza është mbesa ime, ishte kënaqësi shumë e veçantë këtë herë që ne të performonim bashkë. Në këtë lloj formacioni, ishte hera e parë që luanim me orkestrën tonë simfonike”, shtoi ajo.
Me muzikën e Orkestrës Simfonike të RTSH-së, nën dirigjimin e Gridi Krajës, publiku u mrekullua nga fuqia dhe bukuria e këtyre veprave të pavdekshme.
“Më bëhet qejfi që u prit shumë mirë nga publiku, duke qenë se ishte premierë dhe një pjesë jo shumë e njohur dhe jo shumë e luajtur në të gjithë botën, për shkak të vështirësive që ka. Bashkë me maestron Gridi Kraja dhe orkestrën tonë shumë të dashur, arritëm të nxirrnim në pah të gjithë karakteristikat e këtij koncerti’, tha Laura Llozi, violiniste.
Mbrëmja e kaluar ishte pjesë e Stinës Koncertore 2025–2026 të Orkestrës Simfornike, që fton publikun në një udhëtim mes krijimtarisë moderne dhe klasikëve të pavdekshëm.
Top Channel
