Pritjes i erdhi fundi, Hamasi pranon pjesërisht planin e armëpushimit të Trumpit/ Çfarë kërkesash ka për të ardhmen e Gazës 03/10 22:31
Ushtria zvicerane ka njoftuar se synon të sigurojë një sistem mbrojtës kundër dronëve, për shkak të rritjes së incidenteve që lidhen me këto pajisje.
Zvicra, e njohur për neutralitetin e saj tradicional ushtarak dhe jashtë strukturave të NATO-s dhe Bashkimit Evropian, është e pajisur mirë, por tani po kërkon të forcojë mbrojtjen ajrore kundër kërcënimeve moderne, veçanërisht nga dronët.
“Është e domosdoshme të merren masa efektive kundër minidronëve armiqësorë,” thuhet në një njoftim zyrtar të ushtrisë, e cila shpreson që sistemi mbrojtës të instalohet në një afat të shkurtër.
Aktualisht, ushtria nuk ka mjete specifike për të mbrojtur veten nga,minidronët apo dronët e vegjël, bëri të ditur një zëdhënëse për agjencinë AFP.
Pas një prove të suksesshme të kryer gjatë verës, ushtria ka lëshuar thirrje për tender për blerjen e sistemit të ri.
“Rezultatet pozitive të testimeve, të kombinuara me rritjen e incidenteve me dronë, kanë shtyrë ushtrinë të autorizojë Zyrën Federale të Armatimeve që të procedojë me blerjen e këtij sistemi si përparësi”, thuhet në deklaratë, duke theksuar rëndësinë e mbrojtjes së trupave, infrastrukturës dhe pajisjeve ushtarake.
Lëvizja e Zvicrës vjen në të njëjtën kohë me përpjekjet e Bashkimit Evropian për të ndërtuar një mur kundër dronëve, veçanërisht përgjatë kufijve lindorë dhe jugorë të BE-së.
“Këtë vit, ushtria zvicerane ka zbuluar vazhdimisht minidronë mbi instalime ushtarake ose pranë zonave të stërvitjes,” deklaroi zëdhënësja. Megjithatë, ushtria nuk ka bërë publike numrin apo natyrën e incidenteve të ndodhura.
Top Channel
