LAJMI I FUNDIT/ Sulm me thikë në një sinagogë në Mançester 02/10 11:50
Dy avionë pasagjerësh të Delta Air Lines u përplasën në një pistë taksish në aeroportin LaGuardia në New York City të mërkurën në mbrëmje.
Videoja e siguruar nga CBS News +tregon dëmtime në krahun e aeroplanit tjetër. Në një klip audio, një pilot mund të dëgjohet duke thënë në altoparlantë: “Duket sikur ka një aeroplan që na është përplasur”.
Kompania ajrore tha se ishte një “përplasje me shpejtësi të ulët” midis fluturimit 5047 të Endeavor Air , i cili kishte mbërritur nga Charlotte, Karolina e Veriut, dhe fluturimit 5155 të Endeavor , i cili po nisej për në Roanoke, Virginia. Endeavor është një degë e Delta.
Two Delta planes collide at New York's LaGuardia airport, leaving one without a wing
.
.
.
.
.
.#DeltaPlane #NewYork #WIONUncut pic.twitter.com/VwIpmDy4bV— WION (@WIONews) October 2, 2025
🇺🇸 | Colisión entre dos aviones de Delta Airlines que se encontraban rodando en el Aeropuerto LaGuardia de Nueva York, provocando el desprendimiento de las alas de una de las aeronaves. pic.twitter.com/xsrkilKcLm
— CHTVHN (@chtvhn) October 2, 2025
Autoriteti i Nju Jorkut dhe Nju Xhersit tha se incidenti ndodhi pak para orës 22:00 sipas orës lokale. Raportet fillestare tregojnë se krahu i fluturimit 5155 ra në kontakt me trupin e avionit të fluturimit 5047. Një asistente fluturimi u plagos lehtë dhe iu dha ndihma e parë në vendngjarje, përpara se të dërgohej në spital për ekzaminime të mëtejshme.
Fluturimi 5155 mbante 32 persona (28 pasagjerë dhe katër anëtarë të ekuipazhit), ndërsa fluturimi 5047 mbante 61 persona (57 pasagjerë dhe katër anëtarë të ekuipazhit). Pasagjerët u nxorën nga avioni dhe u transportuan me autobusë në terminal. Ata që kishin nevojë u akomoduan në hotel, ndërsa të gjithë u ricaktuan në fluturime të reja për të enjten.
Shkaku i incidentit mbetet i panjohur, ndërsa autoritetet thanë se operacionet e tjera të aeroportit nuk u prekën.
Në një deklaratë, Delta tha: “Ekipet tona në Aeroportin LaGuardia po punojnë për të siguruar që klientët tanë të shërbehen pas përplasjes së dy avionëve Delta Connection të operuar nga Endeavor Air. Ne do të bashkëpunojmë me të gjitha autoritetet përkatëse për të hetuar se çfarë ka ndodhur, pasi siguria e klientëve dhe punonjësve tanë është gjithmonë përparësia jonë kryesore. Kërkojmë ndjesë për çdo shqetësim të shkaktuar.”
Top Channel
