Plani i Trump për Gazën, ministrja britanike: Është momenti për paqe, por rruga është e brishtë 27/09 22:57
Në një fjalim të gjatë të mbajtur të shtunën në Asamblenë e Përgjithshme të OKB-së, ministri i Jashtëm rus, Sergej Lavrov, kritikoi ashpër qëndrimet dhe veprimet e vendeve perëndimore, duke theksuar se kërcënimet ndaj Rusisë po bëhen “gjithnjë e më të zakonshme”.
Lavrov nuk kurseu as Izraelin, duke dënuar sulmet e 7 tetorit 2023 nga Hamasi, por duke vënë në dukje se nuk ka “asnjë justifikim” për “vrasjet brutale” e palestinezëve në Gaza apo planet për aneksimin e Bregut Perëndimor. Ai akuzoi Izraelin për agresion ndaj vendeve të tjera në Lindjen e Mesme, duke paralajmëruar se kjo kërcënon “ta hedhë në erë” stabilitetin rajonal.
Sipas ministrisë së Shëndetësisë të kontrolluar nga Hamasi, sulmet izraelite kanë shkaktuar të paktën 65,926 viktima në Gaza, ndërsa sulmet e 7 tetorit çuan në vrasjen e rreth 1,200 personave dhe marrjen peng të 251 të tjerëve.
Izraeli ka justifikuar operacionin e tij në Gaza si një përpjekje për të mposhtur grupin militant Hamas.
Në fjalimin e tij, Lavrov u ndal edhe te Irani, duke akuzuar fuqitë perëndimore për sabotimin e diplomacisë pas dështimit të një përpjekjeje të minutës së fundit, të udhëhequr nga Rusia dhe Kina, për të shtyrë rivendosjen e sanksioneve ndaj Teheranit. Ministri i Jashtëm rus e konsideroi këtë masë si “të paligjshme”.
Top Channel
