SHBA e ashpër me Rusinë/ Vance dhe Rubio kthejnë pllakën pro Ukrainës. Janë në një linjë me Trump 25/09 13:44
Sulmi ndaj Rusisë dhe kritika ndaj Izraelit ishin dy pikat kryesore të fjalimit të kryeministres së Italisë, Giorgia Meloni, në Asamblenë e Përgjithshme të OKB-së në Nju Jork.
Fillimisht, ajo tha për Rusinë se ajo “shkelte qëllimisht Nenin 2 të Kartës së Kombeve të Bashkuara, duke shkelur pavarësinë dhe integritetin territorial të një shteti sovran, me vullnetin për të aneksuar territoret e tij”.
Në të njëjtën kohë, ajo shtoi se Moska “deri më sot nuk duket e gatshme të marrë seriozisht asnjë thirrje për t’u ulur në tryezën e negociatave për paqe” dhe se “kjo plagë e thellë e shkaktuar ndaj së drejtës ndërkombëtare ka krijuar pasoja destabilizuese që shkojnë shumë përtej kufijve të kësaj lufte të veçantë”.
Sa i përket Izraelit, megjithëse dënoi sulmin e 7 tetorit nga Hama, ajo akuzoi Tel Avivin se “ka tejkaluar kufijtë e parimit të proporcionalitetit” me reagimin e tij.
“Një zgjedhje që Italia e ka përshkruar vazhdimisht si të papranueshme dhe që do të çojë në votën tonë pozitive për disa nga sanksionet e propozuara nga Komisioni Europian kundër Izraelit”, vuri në dukje Meloni.
Kryetarja e qeverisë së Romës i bëri thirrje Izraelit “të dalë nga kurthi i kësaj lufte”.
“Duhet ta bëjë këtë për historinë e popullit hebre, për demokracinë e tij, për të pafajshmit, për vlerat universale të botës së lirë, pjesë e së cilës është”, tha ajo.
Georgia Meloni, më në fund, i përshkroi si “veçanërisht interesante propozimet që presidenti amerikan diskutoi në orët e fundit me vendet arabe” dhe deklaroi se ishte “e gatshme të ofronte ndihmën e saj”.
Top Channel
