Zhurma tronditi gjithë banorët e Kamzës një orë pas mesnatës.
Lënda eksplozive e dyshuar artizanale më pak se 100 gram ishte vendosur në rrethimin e jashtëm të banesës së ish-kryebashkiakut të Kamzës sot deputet Xhelal Mziu. Nga shpërthimi pati dëme të vogla materiale të rrethimit si dhe të dy makinave të parkuara aty pranë.
Menjëherë në vendngjarje shkoi policia e cila fiksoi çdo prove materiale si edhe sekuestroi pamjet e kamerave të sigurisë.
Ngjarja do të hetohet nga SPAK sepse Xhelal Mziu është deputet. Grup i hetimit është policia e Tiranës e shtetit dhe anti-terrori
Në ambientet e komisariatit nr.5 në Kamëz u shoqërua dhe deputeti Xhelal Mziu i cili tregoi se në momentin e ngjarjes ndodhej në banesë me bashkëshorten.
I pyetur për dyshimet se nga mund të kishte ardhur ky sulm deputeti i Dibrës tha se nuk kishte dyshime.
Top Channel
