Justin Bieber siguron marrëveshjen shumë milionë dollarëshe për të performuar në Coachella 2025, bëhet artisti më i paguar në histori

Këngëtari ka arritur të bëhet artisti më i paguar që shfaqet në festival, duke tejkaluar edhe Beyonce-n.

“Është një veprim inovativ për një kryesues dhe diçka që ai e bëri tërësisht vetë”, tha një burim pranë tij për revistën. “Midis Coachella-s dhe suksesit të albumit të tij Swag, është e qartë se një epokë e re emocionuese po fillon për Justin, një epokë ku ai është plotësisht në kontroll të karrierës së tij”, shtoi i njëjti burim.

Justin Bieber becomes highest paid act in Coachella history over Beyoncé with SEVEN-figure payday https://t.co/kk50TGtNVI

— Daily Mail Celebrity (@DailyMailCeleb) September 17, 2025

Artisti siguroi marrëveshjen shumë milionë dollarëshe me Goldenvoice, kompaninë e prodhimit të festivalit dhe do të marrë 5 milionë dollarë për fundjavë. Tarifa e tij thuhet se është në përputhje me atë të artistëve më të mirë që kanë luajtur në festival. Përfaqësuesit e këngëtarit dhe Goldenvoice nuk ishin menjëherë të disponueshëm për koment.

Justin Bieber ka qenë pa menaxher që nga viti 2023, pasi u nda nga Scooter Braun pas gati 15 vitesh bashkë. Në korrik, këngëtari zgjidhi një mosmarrëveshje financiare me kompaninë e menaxhimit të Braun, duke paguar më shumë se 8.8 milionë dollarë te Hybe, ndërsa Braun i kishte dhënë Bieberit një kredi në vitin 2022 për të shlyer një pjesë të avancit prej 40 milionë dollarësh nga Anschutz Entertainment Group (AEG) për turneun Justice, i cili ishte anuluar atëherë.

Më herët këtë javë, u njoftua se Justin Bieber do të ishte kryesuesi i Coachella së bashku me Sabrina Carpenter, Karol G dhe Anyma. Festivali shumë i pritur është planifikuar për 10-12 prill dhe 17-19 prill në Indio, Kaliforni.

Top Channel