Nderohen zjarrfikësit në Lezhë, bashkia i jep “Mirënjohjen” për sakrificat e efektivëve gjatë zjarreve të verës
10/09 13:13
Policia Rrugore e Durrësit ka goditur dy raste të tjera të tentativës për mitdhënie, gjatë kontrolleve intensive për respektimin e Kodit Rrugor dhe rritjen e sigurisë në rrugë.
Në një nga rastet, një 24-vjeçar u arrestua në flagrancë pasi tentoi të korruptonte punonjësit e Policisë për të shmangur testin e alkoolit, ndërkohë që po drejtonte automjetin në gjendje të dehur.
Ndërkohë, në një rast tjetër, një 36-vjeçar është proceduar penalisht në gjendje të lirë, pasi tentoi të shmangte një masë administrative për shkelje rrugore, duke u përpjekur të korruptonte punonjësit e Policisë me një shumë parash.
Rastet e konstatuara konkretisht:
A. Ç., 24 vjeç, banues në Luz i Vogël, Kavajë, u arrestua pasi gjatë ndalimit nga shërbimet e Policisë Rrugore, iu ofroi atyre 50 euro për të mos iu nënshtruar testit të alkoolit, ndërsa drejtonte automjetin në gjendje të dehur.
F. K., 36 vjeç, banues në Durrës, u procedua penalisht në gjendje të lirë pasi, për të shmangur ndëshkimin me masë administrative për një shkelje gjatë drejtimit të automjetit, tentoi të korruptonte punonjësit e Policisë me shumën 2.000 lekë të rinj.
Për të dyja rastet, materialet hetimore i janë referuar Prokurorisë për veprime të mëtejshme, për veprat penale “Korrupsioni aktiv i personave që ushtrojnë funksione publike” dhe në rastin e parë edhe për “Drejtimin e automjetit në mënyrë të parregullt”.
Top Channel
