Trump ‘shpëton’ TikTok nga ndalimi në SHBA: “Të rinjtë tanë do të jenë shumë të lumtur” / Ja çfarë përfshin marrëveshja me Kinën 15/09 16:21
Pas takimit me Niko Peleshin, kreu i ri i Kuvendit të Shqipërisë, kreu i grupit parlamentar i PD Gazmend Bardhi u ndal para gazetarëve.
Bardhi tha se ndarja e re komisioneve parlamentare dhe procedura që po ndiqet, është në shkelje me rregulloren. Ai shtoi se nuk mund të cohën në seancë draftpropozimi në më pak se 24 orë, pa u shqyrtuar.
Ai tha se me ndarjen e re, nga 3 komisione që drejtonte opozita më parë, me këtë formulë sipas tij i bie që opozita të drejtojë një komision e gjysmë.
Ai tha se heqja e komisionit të Integrimit është e paprecedentë.
“Grupi parlamentar i PD i ka kërkuar Kuvendit, të bëjë një studim sesi janë të organizuara komisionet parlamentare në të gjitha vendet e rajonit dhe si janë të organizuara në disa prej vendeve anëtare të BE.
Në të gjitha vendet e Ballkanit sipas studimit, ka dhe komision për punët e jashtme dhe për integrimin, dhe Shqipëria bëhet i pari vend që jo vetëm përjashton opozitën nga integrimi, por nuk e ka një komision për integrimin.
Ndryshimet në rregullore ndjekin të njëjtën procedurë me shqyrtimin e projektligjit, dhe nuk mund të bëhen në më pak se 24 orë”, tha ai.
“Para 5 minutash kemi marrë draftin për ndryshimet e rregullores së Kuvendit. Sa i takon asaj që kemi dëgjuar në Asamblenë e PS, vërejmë ngushtim të rolit drejtues që kishte opozita. Një komision i drejtuar nga opozita, është ndarë në tre komisione. Pra PD nga 3 që komisione, tan i bie të drejtojë një komision e gjysmë”, shtoi ai.
Top Channel
