Frikë për Udogie, një menaxher lojtarësh e kërcënoi me armë, ai u shoqërua në polici dhe po mbahet nën hetim 05/11 01:33
Komiteti Ekzekutiv i qeverisë europiane të futbollit, këtë here vendimet e rëndësishme për edicionet e ardhshme të tij vendosi t’i marrë për herë të pare nga kryeqyteti Shqipërisë.
Të mbledhur në Tiranë drejtuesit e futbollit të Kontinentit të Vjetër e filluan ditën mjaft sportivisht me festivalin e futbollit të fëmijëve, ku disa prej tyre, ish-yje të fushës së blertë së bashku me presidentin Aleksandër Ceferin luajtën një ndeshje në kompleksin e kombëtares kuqezi, Shtëpia e Futbollit.
Numri një futbollit europian në fjalën e tij dha një mesazh të forte për këdo që prish ndeshjet e futbollit duke marrë shkasë me gjasë nga ngjarjet e fundit në eliminatoret e botërorit.
“Mesazhi im , jo vetëm për një ndeshje të caktuar, por për të gjithë është se futbolli dhe sporti duhet të jenë gjëja që bashkon njerëzit dhe jo që i përçan. Ne duhet të përpiqemi të largojmë këta ‘idiotë’ që e përdorin futbollin për ideologjitë e tyre absurde. Kudo, jo vetëm në një vend, por në të gjitha vendet. Sepse këta njerëz nuk e duan futbollin. Ata duan vetëm veten e tyre dhe e shfrytëzojnë futbollin për të përhapur idetë e tyre të kota”, tha Ceferin
Më pas presidenti i UEFA-s la të hapur mundësinë e zhvillimit të një aktiviteti të madh të UEFA-s në Shqipëri.
“Infrastruktura juaj dhe veçanërisht stadiumi kombëtar është shumë i bukur. Mund të organizojmë diçka këtu, por për momentin nuk do të ishte e drejtë nga ana ime të flisja për diçka konkrete. Di vetëm që keni infrastruktura është shumë e mirë dhe kam një marrëdhënie të shkëlqyer me Armandon, gjë që ndihmon shumë”, tha numri një i UEFA-s.
“Do të doja të falënderoja publikisht Presidentin e UEFA-s, z.Aleksander Čeferin, për vendimin që mbledhja e Komitetit Ekzekutiv të bëhet në Tiranë. Ky është një vlerësim jo vetëm për Federatën e Futbollit, por për të gjithë komunitetin e futbollit shqiptar. Një vlerësim i bashkëpunimit të Federatës së Futbollit me UEFA-n dhe respekt i punës së komunitetit të futbollit shqiptar”, tha Armando Duka, presidenti i FSHF dhe njëkohësisht zv/president i UEFA-s.
Më tej argëtimi i la radhën mbledhjes ku u morën vendimet e rëndësishme për aktivitetet e së ardhmes të UEFA-s, si përzgjedhja e stadiumin “Metropolitano” të Madridit si vendin pritës të finales së Ligës së Kampionëve për vitin 2027.
Stadiumi kombëtar i Varshavës do të presë finalen e Ligës së Kampioneve për vajza në vitin 2027, ndërsa finalja e Superkupës së UEFA/s do të luhet në Salzburg por edhe vendime të tjera të mënyrës së shpërndarjeve të parave ndryshimet që kanë të bëjnë me lojtarët që dëmtohen gjatë kompeticioneve dhe vendime administrative.
Top Channel
