Hëna e Përgjakur shndrit në të gjithë botën, publikohen fotot mahnitëse nga shtete të ndryshme 07/09 23:00
Kualifikueset Botërorit 2026 sollën spektakël dhe shumë gola mbrëmjen e së dielës.
Gjermania u rikthye të fitorja pas disfatës me Sllovakinë pak ditë më parë. “Panzerat” mundën me vuajtje 3-1 Irlandën e Veriut, duke treguar se ende kanë shumë gjëra për të rregulluar në skuadër, në mënyrë që të mos rrezikojnë kualifikimin në Botëror.
Ndërkohë po në Grupin A, Sllovakia mundi 0-1 Luksemburgun, duke ruajtur vendin e parë.
Ndeshja e parë e Grupit E ishte ajo mes Gjeorgjisë dhe Bullgarisë, e cila u fitua 3-0 nga ekipi gjeorgjian.
Ndërkohë, spektakli në këtë grup ishte rezervuar nga Spanja. Kampionët e Europës në fuqi nuk toleruan aspak përballë Turqisë në Konia, duke triumfuar 0-6.
Një fitore me vuajtje për Holandën në Grupin G, pasi mundi 2-3 Lituaninë, por që mbrëmja foli për Memphis Depay, i cili me dy golat e tij u kthye në golashënuesin më të mirë në historinë e “Tulipanëve”.
Po në këtë grup, Polonia mundi 3-1 Finlandën.
Maqedonia e Veriut fitoi 5-0 përballë Lihtenshteint, duke mbajtur vendin e parë të Grupit J, teksa ndiqet nga Belgjika që mundi 6-0 Kazakhistanin.
Top Channel
