Marcus Thuram gjen më në fund golin me Francën, nuk shënonte me ‘Blutë’ që nga 2023 29/03 23:57
Antony ka zbuluar se ka refuzuar një ofertë të majme nga Bayern Munich, pasi kishte dhënë fjalën e tij se do të rikthehej te Real Betis.
Pas largimit nga Manchester United, kalimi i tij përfundimtar te Betis u pezullua për pak orë të premten, çka hapi derën për një interesim të papritur nga gjigantët gjermanë. Sipas mediave, Bayern ishte i gatshëm t’i dyfishonte pagën 24-vjeçarit brazilian, por sulmuesi zgjodhi të mbante premtimin ndaj klubit spanjoll.
“Bayern është një klub i madh dhe oferta ishte shumë e rëndësishme, por unë i kisha dhënë fjalën Betisit. Për mua, fjala vlen më shumë se çdo gjë tjetër. Ndihem i lumtur që do të rikthehem aty ku u ndjeva si në shtëpi”, tha Antony.
Transferimi i tij te Betis është tashmë i mbyllur dhe braziliani pritet të jetë një nga lojtarët kyç të skuadrës në sezonin e ri të La Ligës.
Top Channel
