Kjo është shtëpia e re e futbollit të Messit, do të inagurohet në ndeshjen kundër Uzunit…me Austin 06/03 00:48
Gianluigi Donnarumma është gati të nisë një aventurë të re në Premier League me Manchester City, pas ndarjes nga Paris Saint-Germain.
Portieri dhe kapiteni i Italisë foli hapur për të ardhmen e tij, por edhe për marrëdhënien me ish-trajnerin Luis Enrique.
“Gjithmonë kam pasur një marrëdhënie të shkëlqyer me trajnerin. Ai ishte i drejtpërdrejtë me mua, që nga ditët e para të kampit stërvitor, dhe isha i kënaqur për këtë. Nuk e di nëse jam i zhgënjyer; të gjithë marrin vendimet e tyre. Trajneri ka fuqinë për të marrë vendime, por mbështetja e të gjithëve, veçanërisht e shokëve të ekipit, më bëri të kuptoj se çfarë i kisha dhënë PSG-së, dhe mendoj se kjo është gjëja më e rëndësishme. Sepse përtej futbollit, ajo që mbetet është kjo: të njohësh dashurinë e të gjithë mjedisit,” tha Donnarumma.
Pas një sezoni të shkëlqyer me PSG, ku arriti të fitonte Ligën e Kampionëve, 25-vjeçari pranoi se ishte koha për një hap të madh në karrierë: “Mezi prisja të shkoja te City. Guardiola më donte vërtet dhe kjo më pëlqeu. Të të dëshirojë klubi më i mirë në botë, dhe një nga trajnerët më të mëdhenj si Guardiola, është një ndjenjë e papërshkrueshme. Jam i sigurt se mund të përmirësohem shumë me të, edhe në fazën e ndërtimit të lojës.”
Ndërkohë, përpara se të mendojë për Premier League, Donnarumma ka një mision të rëndësishëm: të udhëheqë Italinë në dy sfidat kualifikuese për Kupën e Botës 2026 kundër Estonisë dhe Izraelit, tashmë nën drejtimin e Gennaro Gattusos.
Top Channel
