Përfundojnë homazhet për Dhimitër Anagnostin! Kolosi i kinematografisë shqiptare përcillet me duartrokitje dhe karafila të bardhë
02/09 21:50
Regjisori Leonard Bombaj, në një homazh për artistin e madh Dhimitër Anagnosti, që u nda nga jeta një ditë më parë, kujton një bisedë me të ndjerin.
Bombaj tregon mbresat që i la na filmi “Përrallë nga e kaluara”, i bazuar në komedinë “14 vjec dhëndër” të Andon Zako Çajupit, kur e pa për herë të parë në kinema. Për pyetjet që i lindën në ato momentet, Bombaj mori përgjigje disa vite më vonë, kur u përball me Anagnostin.
Shkrimi i Leonard Bombajt:
Kur pashë në kinema “Përrallë nga e kaluara” u trondita. Nuk dija kush isha, nuk dija sa vleja. Rrugës për shtëpi mendoja “Si ta gjej këtë njeri Dh.Anagnosti?! Si t’i shkruaj një letër? Ti them “pse më bëre të qesh e të qaj njëkohësisht?” Pse s’më zë gjumi? 4 vjet më pas e kisha përballë dhe mes 400 studentëve ngre dorën e pyes: “Në fund të filmit pse u shemb çatia poshtë këmbëve të Marigosë dhe dhëndrit?” Ai sjellshëm më dha një përgjigje që regjisorët përgjithësisht nuk komentojnë: “Epo dashuria e tyre ishte aq e madhe saqë çatia e varfër nuk i mbajti dot.” E ruaja me krenari këtë ekskluzivitet. Sot Anagnosti nuk është thjesht fizikisht, por regjia e tij është radiografi e shpirtit shqiptar, e pavdekshme, e pa plakshme, drithëruese. U prehsh në paqe profesor përtej dritës, përtej kronometrit, pranë Zotit!
Top Channel
