“Për bixhoz e drogë, shqiptarët….”/ Detaje ekskluzive, si lojërat e fatit të të birit ‘fundosën’ ish-drejtorin e SHISH. Bisedat: Punon plaku në SHIK 02/09 20:22
Gjykata e Lartë Federale në Brazil ka refuzuar kërkesën për lirim të ish-futbollistit Robinho, duke vendosur që ai të vijojë të qëndrojë në paraburgim.
Vendimi u mor në një seancë virtuale të zhvilluar të premten (29 gusht), ku 10 nga 11 gjyqtarët votuan kundër lirimit të tij.
Robinho, 40 vjeç, ndodhet në burg që nga marsi i vitit 2024, pasi Gjykata e Lartë e Drejtësisë (STJ) pranoi zbatimin në Brazil të vendimit të gjykatës italiane, e cila e dënoi ish-sulmuesin me nëntë vite burg për pjesëmarrje në përdhunimin e një gruaje shqiptare në një klub nate në Milano, në vitin 2013.
Avokatët e tij apeluan vendimin, duke argumentuar se dënimi nuk mund të ekzekutohej pa u shteruar të gjitha mundësitë e apelimit. Megjithatë, Gjykata e Lartë Federale e rrëzoi këtë pretendim, me përjashtim të gjyqtarit Gilmar Mendes, i cili hodhi votën e vetme pro lirimit të përkohshëm.
Vendimi e lë Robinhon përfundimisht pas hekurave, ndërsa ish-lojtari i Real Madridit dhe Milanit do të duhet të vuajë dënimin në një burg brazilian.
Top Channel
