Buxheti zhyt në krizë Francën, rrezikohet qeveria! Kryeministri përballet me mocion mosbesimi
01/09 14:57
Luis Suárez mund të përballet me një pezullim të gjatë pas një episodi të turpshëm në finalen e Leagues Cup të dielën, ku Inter Miami u mund 3-0 nga Seattle Sounders.
Incidenti ndodhi pas përfundimit të sfidës dhe tregoi sulmin e 38-vjeçarit ndaj një anëtari të stafit të Seattle.
Videoja televizive tregon Suárez duke sfiduar me zemërim një pjesëtar të stafit, ndërsa bashkëlojtarët e tij, përfshirë Oscar Ustari, përpiqeshin ta qetësonin situatën.
Më pas, sulmuesi duket sikur ka pështyrë në fytyrën e anëtarit të stafit, duke shkaktuar një përplasje masive që kërkoi ndërhyrjen e lojtarëve të të dyja skuadrave për të ndalur përleshjen.
Luis Suárez appeared to spit on a Seattle staff member after the final whistle in the Leagues Cup Final 👀
🎥: @MLS pic.twitter.com/gCMLdbwDlC
— FOX Soccer (@FOXSoccer) September 1, 2025
Ky incident është i fundit në një seri të gjatë ngjarjesh kontroverse që kanë shënuar karrierën e Suárez, duke përfshirë:
2011 – Pezullim 8 ndeshjesh për abuzim racor ndaj Patrice Evra gjatë kohës së tij te Liverpool.
2013 – Pezullim 10 ndeshjesh për kafshimin e Branislav Ivanovic në një ndeshje Premier League.
2014 – Pezullim katër mujor dhe përjashtim nga aktiviteti futbollistik pas kafshimit të Giorgio Chiellini në Kupën e Botës në Brazil, përpara transferimit te Barcelona.
Trajneri i Seattle, Brian Schmetzer, komentoi pas ndeshjes: “Fatkeqësisht, kjo ngjarje do të tërheqë vëmendjen nga performanca e madhe e Sounders. Mund ta shoh si një kompliment që lojtarët e tyre ishin të acaruar, por këto gjëra nuk duhet të çojnë në degradime që nuk duhet të ndodhin në fushë.”
Top Channel
