Sevilla transferon ish-sulmuesin e Interit dhe tërhiqet nga Bajrami, yllit të Kombëtares i hapet rruga drejt Serie A 01/09 11:33
Kategoria Superiore ka mbyllur javën e dytë, me dy sfida që prodhuan spektakël dhe surpriza.
Sfida e parë ishte ajo e luajtur në Laç mes Vorës dhe Tiranës. Debutuesit e këtij sezoni në Superiore sollën një surprizë të bukur, duke triumfuar 3-1 përballë bardhebluve. Karrica shënoi dy herë në çdo pjesë, ndërsa Zuna i dha goditjen përfundimtare Tiranës, përpara se kjo e fundit të gjente golin e nderit me Eliton në minutën e 85’.
Vëmendja më e madhe ishte te supersfida e kësaj jave, ajo mes Dinamos dhe Vllaznisë. Si Ilir Daja, ashtu edhe Edi Martini e ndoqën sfidën nga tribuna për shkak të dënimeve të marra.
Gjithsesi, sfida e luajtur në Elbasan Arena u dominua nga Blutë. Në minutën e 35’, Bregu kaloi në avantazh “Nëndetësen”, ndërsa në të 59’, Guindo dyfishoi shifrat. Hekuran Berisha ishte ai që vulosi fitoren me një gol në minutën e 83’, teksa shkodranët gjetën rrjetën në fund me Balajn.
Kreu mbahet momentalisht nga Elbasani dhe Partizani me nga 4 pikë, ndërsa Dinamo i ndjek me një ndeshje më pak.
Ndërkohë, Egnatia dhe Tirana ndajnë dy vendet e fundit me nga një pikë.
REZULTATET:
VORA 3-1 TIRANA
Karrica 36’, 58’, Zuna 70’ / Eliton 85’
DINAMO 3-1 VLLAZNIA
Bregu 35’, Guindo 59’, H. Berisha 83’ / Balaj 90+4’
Top Channel
