“Le Pen po e vret politikisht Macron”, Analiza e Politico: Ja si po e përgatit rrugën për një rikthim liderja e ekstremit të djathtë francez 01/09 23:05
Darren Jones është emëruar në rolin e ri si sekretar i përgjithshëm i kryeministrit
Kryeministri i Britanisë së Madhe, Keir Starmer, ka riorganizuar sërish rrethin e tij të ngushtë në ditën e parë të rikthimit në zyrë.
Kjo është bërë thuajse një zakon për të. Edhe pse asnjë nga anëtarët e ekipit të Numrit 10 nuk janë figura publike apo të njohura për qytetarët, numri i ndryshimeve në pozicionet kyçe është i dukshëm, raporton Sky News.
Deri më tani, ai ka pasur katër shefa stafi, dy sekretarë kabineti dhe një i tretë që përflitet se do të largohet nga puna dhe pesë drejtorë komunikimi.
Kur ka faj për të shpërndarë, Sir Keir nuk nguron ta ndajë atë me bashkëpunëtorët më të afërt, vijon Sky News. Në një intervistë sot, kryeministri theksoi se këto ndryshime lidhen me kalimin në një fazë të re të qeverisjes, më të fokusuar në rezultatet dhe realizimin e premtimeve.
Ai zgjodhi një ministër të nivelit të mesëm të kabinetit, Darren Jones, deri më sot numri dy i Thesarit dhe e mori në zyrën e tij për të mbikëqyrur politikat.
Si sekretar i përgjithshëm, Jones supozohet të ketë shqyrtuar buxhetin e çdo departamenti artikull pas artikulli. Ai e di se ku janë ‘varrosur’ organet financiare dhe do të jetë një burim alternativ i rëndësishëm këshillash për Sir Keir për ministrat individualë të kabinetit, thotë Sky News.
Top Channel
