Netanyahu përgatit ofensivë të re në Gaza, braktis bisedimet për armëpushim dhe përballet me kundërshtime nga siguria izraelite 31/08 16:26
Sulmuesi shqiptar Myrto Uzuni vazhdon formën e mirë në SHBA, duke gjetur rrugën e rrjetës në fitoren 3-1 që Austin FC regjistroi ndaj San Jose Earthquakes në mbrëmjen e së shtunës.
Uzuni realizoi golin e dytë për skuadrën e tij në fundin e pjesës së parë, pas një aksioni të shpejtë nga e djathta, ku pasimi i Osman Bukarit u devijua dhe përfundoi në këmbët e sulmuesit të Kombëtares. Me qetësi, Uzuni e shtyu topin në rrjetë për golin e katërt personal në gjashtë ndeshjet e fundit.
Ky gol vulosi dominimin e Austin FC në pjesën e parë dhe kontribuoi në një fitore të rëndësishme për skuadrën, që tani ngjitet në vendin e shtatë të Konferencës Perëndimore në MLS.
Nga ana tjetër, Uzuni duket se është gati për sfidat e shtatorit, ku pak ditë më parë mori dhe ftesën nga trajneri i Kombëtares, Sylvinho.
Top Channel
