Aksident në Lezhë/ Makina i preu rrugën, automjeti tjetër përfundon në parcelën anës rrugës, tre të plagosur 31/08 20:39
Ylber Ramadani nuk do të jetë pjesë e Kombëtares shqiptare në dy sfidat e muajit shtator, për shkak të një problemi shëndetësor.
Klubi italian Lecce dha sinjalet e para për mungesën e mesfushorit, ndërsa së fundmi edhe Federata Shqiptare e Futbollit e ka konfirmuar zyrtarisht.
Sipas njoftimit të FSHF-së, Ramadani vuan nga një infeksion i përsëritur në laring, i cili kërkon pushim dhe trajtim me terapi antibiotike. Kjo gjendje nuk i lejon atij të jetë i gatshëm për përballjet me Gjibraltarin më 4 shtator (miqësore) dhe Letoninë më 9 shtator (eliminatore për Botërorin 2026).
Mungesa e tij konsiderohet një humbje për mesfushën kuqezi, ndërsa stafi teknik pritet të marrë vendimin për zëvendësimin e tij në listën e Kombëtares.
Top Channel
