Meta po punon për një veçori të WhatsApp që ju lejon të verifikoni dezinformatat dhe lajmet e rreme në biseda, në kohë reale dhe pa dalë nga aplikacioni.
Butoni quhet Ask Meta AI dhe u zbulua nga faqja e specializuar WaBetaInfo në një përditësim të aplikacionit Android, numër 2.25.23.24.
Për të verifikuar përmbajtjen e një lajmi, zgjidhni “Ask Meta AI” nga menyja e aplikacionit dhe përmbajtja do të përcillet automatikisht te chatbot-i i Metës, të cilit përdoruesi do t’i bëjë një pyetje specifike. Për momentin, funksioni është i disponueshëm vetëm për disa përdorues si provë dhe gradualisht do të shpërndahet për të gjithë. Kompania e Mark Zuckerberg synon të frenojë përhapjen e dezinformatave, të cilat përhapen me shpejtësi përmes chat-it, përfshirë edhe përmes letrave zinxhir. Në të kaluarën, platforma madje ka prezantuar një funksion për të kufizuar përçimin e tepërt të mesazheve. Mbetet për t’u parë se si do të funksionojë sistemi, i cili mbështetet në inteligjencën artificiale, pa mbikëqyrje njerëzore.
Ndër veçoritë e tjera të reja që vijnë në WhatsApp, sipas faqes së internetit WaBetaInfo, ekziston edhe një cilësim i ri për mesazhet kalimtare që zhduken pas një kohe të caktuar nga përdoruesi dhe që prezanton mundësinë për të zgjedhur kohëmatës më të shkurtër se ata që janë aktualisht në dispozicion, duke prezantuar dy opsione të reja: 1 orë dhe 12 orë.
Top Channel
