Prej denoncimit të skemave të reja piramidale online nga Erion Brace ka lindur pyetja se përse më së shumti këto skema gjetën terren për tu përhapur me shpejtësi në Divjakë dhen Lushnjë.
Në kushtet e anonimatin një qytetar i përfshirë në këto skema i tha gazetarit të Top Channel Muhamed Veliu se në Divjakë janë të paktën tre persona të njohur gjerësisht si forca udhëheqëse e kësaj grabitje të re piramidale.
Ata kanë ndërtuar një rrjet prej 400 agjentësh në rekrutimin e klientëve të rinj. Ditët e fundit janë kthyer në kërcënues të atyre që kanë investuar duke i bërë presione të ndryshme për të mos u larguar nga platformat.
Në fakt nuk është një operacion grabitje brenda territorit të Shqipërisë. Në këtë akt kriminal janë përfshirë edhe disa agjenci në Kosovë pasi atje lejohet konvertimi i monedhave digjitale në para cash.
Më skandalozja e kësaj histori është reklamimi haptas në qendër të Lushnjës, deri disa ditë më parë të këtyre platformave. Ky duhet të ishte sinjali i parë për agjencitë e inteligjencës në vend dhe policinë e shtetit për ta frenuar fenomenin e jo për të pritur denoncimin e ish deputetit socialist të Divjakës.
Deputeti socialist Erion Brace i vendosur në ballë të betejës denoncuese për skemat e reja piramidale online, ku kanë hyrë shumë qytetarë të Divjakës dhe Lushnjes, zbulon detaje të reja se çfarë është duke ndodhur me ata të cilët tentojnë të tërheqin paratë e investuara në “Sudet Dixhitale” bashkë me fitimin e premtuar.
Reagimi i plotë i Erjon Braçes:
Beteja me piramidat online;
Xuexa ju ndërpret viktimave daljen nga platforma dhe tërheqjen e parave-nga dje kjo!
Pra te gjithë ata nga Divjaka e Lushnja qe kane tentuar te dalin dje e sot nga Xuexa e kane te pamundur te dalin dhe te tërheqin paratë.
Te kalojnë nga muri i tyre ne platforme paratë ne bilance e te vijojnë për të tërhequr cashin ne Kosove! (albin di gjë ti për këtë?).
Shenja e dyte me e qarte e piramidës është kjo!
E mbani mend Rrapushin manual? Tregojani fëmijëve qe te binden me në fund!
Për banorët e Divjakës e Lushnjës që janë zhytur ne këtë piramide online kam tani këtë lutje:
Dje ne mbrëmje, pasi ju ndaluan te dilni nga xuexa, në telegram ju njoftuan për grup te ri dhe platforme te re ku do te transferohen paratë tuaja!
Mooooooos e hani edhe këtë gënjeshtër!
Boooooll ju kane gënjyer e grabitur! Boooooll!
Një thirrje kam për policinë e shtetit, krimin kibernetik e atë ekonomik e financiar, prokurorinë e Fierit, Tiranes, Spakun gjithashtu:
Nxitoni, nxitoni, njerëzit e xuexa janë ende në Divjake e Tirane, veproni se mijëra njerëz po grabiten!
Top Channel
