Kodi i ri Penal hapet për komente, nis konsultimi i draftit të kritikuar nga juristët një muaj më parë 29/08 19:34
Një ‘frymë’ larg nga krijimi i kabinetit të ri qeverisës, i cili do të prezantohet më 11 shtator siç Top Channel ka raportuar, ditën e sotme e ngarkuara me punë në ambasadën amerikane në Shqipëri, Nancy VanHorn, ka zhvilluar një takim në Kryeministri.
Diplomatja mësohet se ka qëndruar disa minuta më Kryeministri e më pas është larguar, ndërsa nuk dihen ende detaje nga takimi.
Ndërkohë, kujtojmë se prezantimi i emrave të ministrave të rinj, do të jetë data 11 Shtator ora 10:00 kur do të mblidhet asambleja socialiste.
E ndërsa askush nga ministrat aktualë nuk e di nëse do të qëndrojë në detyrë, dy duket se do të jenë parimet mbi të cilat Rama ka konturuar e ndërtuar skuadrën e re qeverisëse.
Së pari do të ulë në tryezën e Këshillit të Ministrave, ministra me profil të lartë teknik, kjo në shërbim të procesit të mbylljes së kapitujve të hapur të anëtarësimit në BE.
Së dyti, Edi Rama është kujdesur të ketë në skuadër ministra me sa më pak përballje të mundshme me SPAK gjatë katër viteve të ardhshme.
Në mbledhjen e Asamblesë Socialiste të 11 shtatorit, po ashtu gazetari i Top Channel Muhamed Veliu raporton se do të mësohet se kujt do t’ia besojë Rama postin e zëvendëskryeministrit, kryetarit të Parlamentit dhe kreun e Grupit Parlamentar.
Krahas ministrave të rinj, pritet edhe riformatimi i disa ministrive, të cilët brenda vetes me strukturën e sotme përfshinë shumë dikastere.
Numërimi drejt 11 shtatorit ka nisur ashtu si ethet për ministrat aktualë dhe aspirantët që duan të zënë vendet e tyre.
Top Channel
