“Bombat e shiut” nesër në Shqipëri! Meteorologu grek Arnaoutoglou paralajmëroj për stuhi të forta, zonat që rrezikojnë më tepër
29/08 13:22
Trajneri i Dinamos, Ilir Daja, analizoi ecurinë e skuadrës së tij në kualifikueset e Conference League.
Në prononcimin e dhënë pas ndeshjes së dytë ndaj Jagiellonias, për mikrofonin e DigitAlb, tekniku kryeqytetas deklaroi: “Nuk kam asnjë peng, me gjithë problematikën që kemi pasur, ky ishte maksimumi jonë. Kemi bërë një ndeshje kthimi shumë të mirë, ndaj një ekipi shumë të fortë. Kemi probleme të mëdha për shkak të dëmtimeve. Kemi bërë një rrugëtim fantastik, mbas 15 vitesh bëmë historinë me Dinamon. Me mungesat dhe me ikjen e dy golashënuesve, nuk mund t’i zëvendësosh lojtarët brenda një muaji. I përshëndes djemtë. Kjo ishte ndeshja ime e 60-të në Europë. Por arbitrim të tillë nuk e kam parë.
Nuk flas për kampionatin, jam i dënuar nga një tjetër arbitër i UEFA-s. Do të bëjmë disa zëvendësime. Kemi dy ditë kohë, mund të marrim pak energji. Jam i dënuar dhe nuk më lejohet të flas.
Kampionati nuk ka filluar akoma, presim këto 2-3 ditë për të bërë ndonjë ndërhyrje në merkato. Na duhen lojtarë në mbrojtje dhe sulm. Dinamo nga vetë historia dhe tradita ka objektiva madhore. Më mirë t’i marrim gjërat me qetësi, të bëjmë zëvendësimet e duhura, të gjejmë modulin e duhur me lojtarët e rinj.
Rrugës do të shikojmë edhe objektivin. Ne nuk duhet të kishim ndërhyrje në këto moment. Janë politika të klubit shitjet. Ne duhet të kishim gjetur që në janar zëvendësuesit e Zabërgjës dhe Itodos. Çdo lojtar i ri do kohën e vetë të përshtatet. Sot mos përballeshim me një grup të cunguar, por të përballeshim denjësisht. Përshtatja atje ishte e vështirë. Do më vinte mirë që sot t’a mbyllnim me një fitore.
Është një rrugëtim goxha i mirë, me një kontingjent të limituar”, u shpreh Ilir Daja.
Top Channel
