“Mbiemër i rëndë, por jo për mua”/ Debutim ëndrrash në Seria A për nipin e Mussolinit, i riu i jep fitoren Cremoneses pas 10 minutash në fushë 29/08 22:30
Lidhjet e ngushta të tifozerisë së kësaj skuadre me ultrasit serbë, kanë sjellë edhe më parë probleme për ta, për shkak të provokimeve të tyre kundrejt shqiptarëve.
Fytyra e tyre e vërtetë doli në pah në prag të ndeshjes ndaj Novi Pazar-it, skuadrës serbe të një qyteti të konsideruar si “i myslimanëve”, boshnjak, shqiptarë dhe turq. Përpara vizitës së tyre në Serbi ata postuan fotot e hartë së Kosovës me mbishkrimin “Kosova është Serbi…”
Për këtë provokim u rrahën në rrugët e Novi Pazarit nga shqiptarët. Por me sa duket kjo paska qenë thjeshtë fillimi. Në Tiranë 24 orë më parë tifozët e kësaj skuadre tentuan të krijonin probleme e trazira, me gjeste fyese në sheshin kryesorë të Tiranës, dhe disa ja dolëm, por edhe për këtë morën “një përgjigje” rrugës për në aeroport.
Sikur të mos mjaftoheshin thjeshtë me fytyrën e shëmtuar të tifozerisë së tyre, sulmuesi grek, vetëm 20 vjeç, Dimitris Rallis, autori i golit të barazimit në “Arenën Kombëtare” ku u zhvillua ndeshka e kthimit mes Dinamos dhe Jagellonias (1-1) edhe pse shumicën e viteve të jetës së tij i ka kaluar në Holandë ku është aktivizuar me Herenvenin qe nga fëmijëria e tij dhe fillimet e karrierës, poston fotot e festimit të tij në rrjetet e tij sociale Instagram, në stadiumin tonë kombëtarë në qendër të Tiranës, me vendodhjen SERBI.
Ndoshta marrja e tij me futboll që fëmijë mund ta ketë larguar nga shkolla shumë shpejtë dhe ndoshta nuk e ka mësuar mirë hartën e Europës apo se ndaj kujt skuadre luante e çfarë shteti përfaqësonte, por në këto vite digjitale e teknologjike që jetojmë nuk të lë asnjë aplikacion të bësh gabime të tilla “padashje”.
Nje bravo Jagellonias për kualifikimin dhe një “turp” i madh për një djalosh në hapat e para si profesionist, pasi në sezonin e shkuar ka kaluar tek ekipi i parë i një klubi dhe është pikërisht Jagellonia, që tenton provokime të ulëta të këtij niveli.
Top Channel
