SHBA i revokon vizat diplomatëve të Autoritetit Palestinez, zyrtarët nuk do mund të marrin pjesë në Asamblenë e OKB-së në Nju Jork 29/08 17:26
Gjermania ka këshilluar qytetarët e saj të largohen nga Irani dhe të mos bëjnë udhëtime atje për të shmangur hakmarrjet e mundshme nga Teherani, për rolin e Berlinit në aktivizimin e një mekanizmi për të rivendosur sanksionet e OKB-së ndaj Iranit për programin e tij bërthamor brenda 30 ditëve.
Britania, Franca dhe Gjermania nisën të enjten një proces për të rivendosur sanksionet e OKB-së ndaj Iranit për programin e tij bërthamor të diskutueshëm, në një veprim që ka të ngjarë të krijojë tensione dy muaj pas sulmeve izraelite dhe amerikane ndaj Iranit.
“Meqenëse përfaqësuesit e qeverisë iraniane kanë kërcënuar vazhdimisht me pasoja në këtë rast, nuk mund të përjashtohet që interesat dhe qytetarët gjermanë të preken nga kundërmasat në Iran”, tha Ministria e Jashtme gjermane në një deklaratë të postuar në faqen e saj të internetit të enjten.
“Për momentin, Ambasada Gjermane në Teheran mund të ofrojë vetëm ndihmë të kufizuar konsullore në vend”, paralajmëroi ajo.
Top Channel
