Eliminimi i turpshëm nga skuadra zvicerane, Beshiktashi i Ernest Muçit shkarkon menjëherë trajnerin që bëri bujë te Manchester United 28/08 23:00
Merkatoja verore e Serie A është futur në fazën e saj më intensive, me disa klube që kanë finalizuar goditje të mëdha dhe të tjera që ende luftojnë kundër kohës për të forcuar skuadrat për sezonin e ri.
Ja çfarë ka ndodhur në orët e fundit:
AC Milan – Goditje e shpejtë me Nkunku, lëvizje në dalje dhe dilema në sulm
Pas dështimit për të marrë Harder, Milani ka befasuar me një marrëveshje të shpejtë për Christopher Nkunku nga Chelsea: 37 milionë euro + 5 bonus (deri në 42 milionë). Francezi do firmosë për pesë vite me pagë rreth 5 milionë euro/vit dhe pritet në Milano për vizitat mjekësore.
Milani kërkon ende një “9 klasik”. Allegri pëlqen Vlahovic, por pronarët hezitojnë, ndërsa emri i ri është Artem Dovbyk nga Roma, mundësisht në shkëmbim me Gimenez, i cili është nën kritikë nga tifozët.
Napoli – Marrëveshje për Hojlund, dhe sytë nga Mainoo
Napoli ka arritur një marrëveshje me Manchester United për huazimin e Rasmus Hojlund, me detyrim blerjeje në rast kualifikimi në Champions League 2026/27. Çmimi total: rreth 45 milionë euro. Conte ka kërkuar urgjentisht një sulmues pas dëmtimit afatgjatë të Lukakut.
Në bisedime është edhe mesfushori Kobbie Mainoo, por kërkesa prej 70 milionë euro nga United ka bërë që Napoli të mendojë një formulë alternative. Edhe Roma është në garë për anglezin.
Inter – Diouf për mesfushën, Pavard i bllokuar, Taremi në dalje
Inter ka mbyllur mesfushën me Andy Diouf dhe nuk planifikon të marrë mbrojtës përveç nëse dikush largohet.
Pavard nuk do largohet, pasi Lille dhe ofertat nga Arabia janë të paqëndrueshme financiarisht.
Taremi ka marrë ofertë nga Olympiacos, por preferon PSV ose Panathinaikos.
Juventus – Kolo Muani në fokus, Vlahovic bllokon gjithçka
Juve dhe PSG po negociojnë për Kolo Muani, me formulë: huazim me detyrim blerjeje për 10 + 50 milionë euro. Por Vlahovic nuk do të largohet, dhe paga e lartë e të dyve (20 milionë euro/vit së bashku) ndërlikon gjithçka.
Shpresohet për të shitur Savonën ose Nico Gonzalez për të financuar blerjen e sulmuesit dhe ndoshta Zhegrova, i cili mbetet në listën e dëshirave për krahët.
Roma – Shpreson te Tyrique George, në pritje për përforcime
Pas “jo”-së nga Sancho, Roma ka vendosur të përqendrohet te 19-vjeçari Tyrique George nga Chelsea, por klubi anglez kërkon 25–30 milionë euro + 30% nga shitja e ardhshme, gjë që kërkon ndërhyrje direkte nga pronari Dan Friedkin.
Top Channel
