Sot seanca e radhës në kuvendin e Kosovës, Kurti shpërfill gazetarët 26/08 10:57
Konstituimi i Kuvendit të Kosovës dështoi sërish dhe shkak u bë moszgjedhja e nënkryetarit nga radhët e komunitetit serb.
Lista Serbe ka insistuar që Sllavko Simiqin të zgjidhet nënkryetar, por tre herë ka dështuar të zgjidhet duke marrë vetëm 10 vota (9 nga Lista Serbe dhe një nga Adem Hoxha nga komuniteti goran).
Kësisoj, pas insistimit të Listës Serbe në kandidatin e njëjtë, kryetari i Kuvendit, Dimal Basha ka kaluar në zgjedhjen me short të nënkryetarit nga radhët e komunitetit serb, raporton korrespondetja e Top Channel, Leonita Bajrami.
Kështu, Kuvendi i Kosovës konsiderohet i pakonstituar, pasi bazuar në Kushtetutë e Rregullore të parlamentit, kuvendi konstituohet me zgjedhjen e kryetarit dhe nënkryetarëve.
Seanca do të vijojë të enjten, në orën 11:00.
Top Channel
