“Freski dhe ajër i pastër”/ Fluks në Voskopojë, atraksioni natyror mbetet destinacioni i preferuar i turistëve në juglindje
23/08 13:00
Promovimi i turizmit mbetet prioritet i çdo njësie vendore e sidomos aty ku ka ende shumë për të zbuluar.
Bashkia e Përrenjasit organizoi një aktivitet në zemër të Shebenikut, shumë pranë zonës së mbrojtur nga UNESCO. “Në ahet e Shebenikut këtë fundjavë jehuan daullet” si ftesë për ta vizituar këtë mrekulli të natyrës.
“Jam nga Franca. Është hera ime e parë në Shqipëri. Kam udhëtuar shumë në jetën time, jam mësuar të njoh kultura të reja, por në Shqipëri mikpritja është fantastike, shqiptarët janë njerëz shumë të mirë”, tha një vizitor nga Franca.
Shebeniku është një nga vendet e fundit në Europë ku ti mund të shohësh natyrë të virgjër dhe kjo është unike”
“Jam nga Franca. Kam një përshtypje shumë të mirë për Shqipërinë. Njerëzit janë shumë mikpritës, natyra shumë e bukur. Në fillim vizituam lumin Vjosa dhe tashmë jemi në këtë vend fantastik”, u shpreh një tjetër vizitor francez.
Natyra nuk i ka kursyer bukuritë kësaj zone, ndërsa banorët e Rrajcës shtojnë ofertën turistike me kulinarinë e tyre të veçantë, shumë të shijshme dhe mbi të gjitha bio.
Por ashtu si shumë zona malore të Shqipërisë infrastruktura rrugore deri në Rrajcë mbetet e vështirë dhe problematike.
Rrajca flet shumë edhe me historinë e kulturën e saj të cilët banorët e ruajnë me fanatizëm. Vallja e Rrajcës dhe kostumet popullore plot ngjyra mbeten qershia mbi tortë e kësaj zone.
Top Channel
